Tamacahut: Ayefki n tsedda di teglimt n mmi-s i tmeṭṭut ugellid

Amacahu, Rebbi ad t-isselhu  ad tiɣzif amzun dasaru

Zik-nni yella yiwen ugellid , yettidir d twacult-is deg yiwet n teɣremt id yezgan di tlemmast n taddart, tiɣremt-nni d taεlayant am tkalitust, yerna hrawet mi ara tkecmeγ ad ak-id qablen iεessasen sya w sya, s daxel yebḍa ɣef acḥal n texamin am teɣrast n tzizwa. Agellid yesεa taqcict isem-is tamilla. Aggur deg igenni netta di lqaε .
Yiwen wass tuḍen tmeṭṭut n ugellid yeɣli-d fella-s waṭṭan urǧin yella win i t-yesnen ala yiwen seg imsujjiyen i syennan i ugellid d akken yella ayefki n tsedda di teglimt n mmi-s d tifrat.
Agellid iger tiɣri i wat n taddart d akken win ara ad yawin Ayefki n tsedda di teglimt n mmi-s ad as-fkeɣ yelli tamilla wa tareɣ d agellid.
Di taddart-nni yella yiwen ilemzi iḥemmel yelli-s n ugellid. Ilemzi-a d win yezdin lhiba d tisas tibeddi-is d talemmast, tafekka-s d taččurant d tuntimt, udem-is daglayan. D amellal, udem-is yeskan-d tadawsa igerrzen allen-is d tizegzawin am tegnawt n tefsut.
Yenna-as : d tagi i d tagnit arǧiɣ acḥal aya Ilemzi yuɣ abrid-is ɣer tezgi amadeɣ yettak-it i wayeγ alama yewweḍ ɣer yiwen uxxam yufa-d yiwen n umɣar.
Yenna-as ilemzi :
« Greɣ ak ṛebbi ma ur-iyi denniḍ dacu-k a lexelq ? »
Amɣar : yenna-as
« D nek i wumi qqaren amɣar azemni »
Ilemzi yenna-as :
« dɣa di laεnaya-ak a baba amɣar εawen-iyi ».
Amɣar yenna-as :
« aka a ammeni ḥkkuyi-d ayen yeḍran.
Ilemzi yules-as-d ayen yedran.
Amɣar yenna-as.
Ruḥ ɣer tnezruft din ad attafeγ tesedda d warraw-is, maca awi yid-k  ayis-agi d wagi ak-isiwḍen ɣer din.
Ilemzi iεedda lexlawi d yisafen, armi yewwed ɣer tezgi yufa tasedda d warraw-is lluzen.
Truḥ tsedda ad seyyed maca syada tenqes, acku ur tufi ara acu ad dawi mi d-uɣal tufa-d ččan arwan, tenna-as lukken ad zraɣ anwa wagi id as-yefkan i warraw-iw ad ččen ad-as-fkeɣ ayen yebɣa, ineggez-d ilemzi yenna-as :
 « d nekk isen yefkan i warraw-im ččan .
Tenna-as dacu tebɣiḍ ? ».
Yenna-as : « fekkiyi-d ayefki-im di teglimt n mmi-m ».
Tenna-as : « Lukan ur sent fkiḍ ara ad ččen « ad-ak-ččeɣ wa d-ččeɣ tamurt iɣef t-tedduḍ ».
Tefka-as ayefki di teglimt n mmi-s yuɣal-d ilemzi yufk-as ddwa, teḥla tmeṭṭut n ugellid uɣalen ttidiren di leḥna am zik.
εeddan wussan, Tamila tuweul ilemzi nni-ddren di talwit nutni d imawlan n Tmilla di teɣremt.

« Tamacahut-iw tefra am uεeqqa di tfarka »