Tasnilest Taqbaylit : Tira n taggaɣt d tzenzaɣt /b/ neɣ /ḇ/ ?

Tamsalt-a n tira mačči d awal kan. D tasnilest ara d-yinin amek ara teddu taluft (a) neɣ (b).
Tuget n yeqbayliyen n wass-a ad k-qqaren : " ilaq ad naru Taq(v)aylit deg wadeg n Taq(b)aylit ".Dɣa, qlen akk d imesnilsen, bɣan akk ad d-fken tiktiwin-nsen ɣef tutlayt-nsen.
Tamenzut, tirawalt ur telli wara d tussna, tirawalt d amsefham (d assufeɣ n yilugan) gar At tjerrum d yimesnilsen deg yiswi n usileɣ n yilugan n tira, iwakken, imyura akked wid yettarun tutlayt ad arun akk kifkif.

Tis snat, send ad yaru umdan, yessefk fell-as ad yel agemmay ara yeḍfer, agemmay-a mačči d aseḥluli neɣ d talalit ara d-ilal, agemmay d tamsislit ara d-yinin d acu-t? , amek-it? ...

Tannegart, imi fernen imesnilsen n teqbaylit agemmay d usekkil (alaṭini-agrigi) is ara yarun, yettuḥettem fell-asen ad ḍefren imesla n ugemmay-nni. Imeslic ad yettwaru, imesla n yimeslicen-nni xaṭi.
S ubrid-nniḍen, tirgalin tizenzaɣin akked taggaɣin ad ttwarunt d yiwen n yimeslic 

Amedya :  Imeslic : /b/ ~ [ḇ]
                  Imeslic : /t/ ~ [ṯ] ~ [ţ]

Dɣa, ulac ayen umi i qqaren imesnilsen "Tayuga taddayt", akken-nniḍen : Ulac amgired n unamek gar [ḇaḇa] akked [baba].